Pa e ferry mes awor aki ta na Margarita pa cual e ta trahando temporario te ora cu e proyecto di ferry keda cla, segun Sra. Luisa Monsalve, PR Naviera Paraguana.
Segun Sra. Monsalve, lo ta ideal pa e ferry mara na centro mes, pero e parti tecnico lo no ta bon pa Barcadera, pa motibo cu tur cos ta depende di si e ta carga, of si ta pasahero. Pero pa Sra. Monsalve, esey lo ta detayenan cu nan mester acorda cu APA, ora cu tur cos ta bayendo hopi mas solido.
Loke si Sra. Monsalve kier a remarca, tocante e charter pa Margarita, esaki no a ni sali ainda. Tur cos ta den preparacion y motibo cu Naviera Paraguana ta haci e charter di corto tempo ta pa prepara e barco cu pa ora e yega na e islanan e ta den su completo funcionamento.
E ferry ta na Margarita ta duna servicio dor cu mester a pone un move pa gana placa te ora keda cla pa e bin pa e islanan ABC. Naviera Paraguana tin un inversion basta halto haci y no por permiti pa un inversion asina halto keda para den puerto y a base di esey a genera un contract chikito pa tur esten cu ta sigui cu e proceso pa genera un tiki ingreso. Tur esaki ta temporario, te ora cu e negociacionnan, di e motibo principal di e ferry, cual ta pa nabega e islanan ABC, keda cla.