TECNOLOGIA
Dia 11 di april a keda publica e ultimo potretnan di e nave espacial Beresheet prome cu el a cay ariba luna. Y tambe e ultimo ‘selfie’ cu el a tuma prome cu su autodestruccion ora cu e tabata purba di baha ariba luna.
“Definitivamente nos a cay ariba e superficie di Luna”, Opher Doron a afirma. Doron ta gerente di e division espacial di e compania estatal Israeli Aerospace Industries, cu a ehecuta e proyecto. El a confrima cu e motor principal di e nave a faya, despues di cual e nave a perde contacto cu e centro di comando na Israel. A keda determina cu e tabata bahando demasiado lihe, na 134 m/s, y el a cay ariba e superficie di Luna.
Prome cu e accidente, ora cu e tabata na 22 km ariba di luna, e sonda a logra sin embargo di manda un imagen pa Mundo, cual a bira e ultimo “selfie” y den cual e tabata aparece cerca di su destino.
E nave espacial Israeli Beresheet, cu dia 5 di april a drenta den e orbita di Luna, no a logra baha ariba e superficie di Luna.
Beresheet a wordo lansa seis siman pasa abordo di e raket Falcon 9, di e empresa SpaceX, propiedad di Elon Musk.