Cada aňa, ArtisA, Art is Aruba, organizador di Aruba Art Fair ta trata na trese innovacion den tur area di Arte pa asina trese e comunidad mas serca di artistanan, mas serca di nan creacionan y a lo largo envolvi comunidad henter cu un solo meta di hasi di Aruba un Isla di Arte y promove cultura mucho mas ainda.
Durante Aruba Art Fair 2017 un total di mas di 40 fotografo di Aruba a participa na e competencia di Nature and Faces, na unda nan a trece dilanti lo major di e carnanan di Aruba y tur loke ta naturalesa. E participantenan a expone nan obranan durante e evento di Aruba Art Fair 2017 y asina pueblo por a scoge e ganadornan.
E obranan di Mario Gonzalves y Harold Kelly a wordo galardona como ganador. Di inmediato e interes grandi di Mr. Manuel Pila, Economic Developer di Sister Cities na Doral Florida a wordo expresa y e trabao di e ganadornan hunto cu finalistanan a forma un Expo cu a luci pa un anja largo na Aruba House.
Mientras cu tur esaki ta pasando, e Team di ArtisA, organisadornan di Aruba Art Fair a establece contactonan cu Ralph Bronson di Aruba House y via e contactonan aki a logra interesa e sisters cities di Alemania, Hulanda, Boston, Colombia , Brazil, Curacao, Bonaire y Florida pa intercambia di ideanan y forma entre nan tur e International Nature and Faces Competition cu lo tuma lugar na 2020.
E anja aki un biaha mas lo tene e competencia di Nature and Faces 2018 na unda e fotografo por introduce su miho take di tur loke ta Naturalesa y e fotografo su mihor potretnan di e cara di Aruba.
E huradonan kende ta: Xclusivo Magazine, Focus Magazine, Island Temptation, Aruba Nights, Express Magazine, Aruba House y Aruba Tourism Authority cu gran experticio lo scoge e mihor shotnan.
Un fotografo por participa den ambos categoria of por scoge pa participa den un cu e ta specialisa den dje. E regristracion ta bay via e website di Aruba Art Fair y asina esunnan cu ta participa y registra, e potretnan ta bay automaticamente serca e curadornan, cu ta e revistanan y personahenan menciona.
Registracion ta sera dia 25 di September 2018.
Durante Aruba Art Fair cu ta tuma lugar e dianan 5,6,7, di October lo tin un Expo especial di tur e ganadornan. Y aki e publico cu ta bishita e Art Fair por vota pa esunnan cu mas nan ta gusta. Asina lo yega na e ganadornan.
Pa 2018, ArtisA a haya un partner strategico mas cu ta VNO y atravez di e contacto aki lo organiza un EXPO special di Nature and Faces na Hulanda na 2019.
Tambe contactonan a keda estableci via Aruba Tourism Authority Colombia, na unda final di October 2018 mes lo tene un Expo di Nature and Faces.
“E tema Nature & Faces” a cultiva su acogida Internacional y ta wordo mira como un di e eventonan cu mas talentonan lo crea y tambe mas spinoff Internacional lo crea pa cu Aruba.
Ralph Romson, iniciador y propetario di Aruba House na Doral Florida, sister Cities of Aruba ta sumamente comovi cu e por a ilustra parti di Aruba su arte fotografico den e Economic Center at City Hall, Doral Florida y ta anhela e continuacion di lasonan Internacional pa cu e participacion aki.
Un Danki sigur ta bay na tur esunnnan cu ya a inscibi. Y pa esunnan cu kier participa bishita www.arubaartfair.com
FIN