Dialuna, 26 di november, e sonda espacial lo enfrenta su desafio di mas grandi den su casi shete lunanan rumbo pa e planeta Cora.
E sonda Insight di NASA, lansa dia 5 di mei ultimo cu e meta di studia e interior di planeta Mars, ta prepara pa aterisa riba su superficie dialuna 26 di november. Y e tarea lo no ta facil. E aterisahe riba e planeta cora a haya e bijnaam di “seis minuut di teror” debi na e gran desafio, kisas esun mas grandi di henter e biaha, cu e proceso ta representa pa e aparato.
Según e portal di e agencia espacial, dialuna e mision lo atravesa e atmosfera marciano y lo purba di pone e lander cu instrumentonan avansa, riba e superficie di e planeta “den menos tempo cu herbe un webo ta tarda”,
Den seis minuut, e sonda lo mester reduci su velocidad di casi 20 mil pa 1500 km pa hora, deshaci di su escudo protector contra di calor y baha cu parachute, habri y blokia e tres extremidadnan di e lander cu lo absorbe den parti e impacto di e aterisahe, deshaci di e parachute y baha pa e suelo den e proceso, cual velocidad lo wordo baha pa 12 motor potente. Ademas, e bateria di e motornan lo mester paga manera cu Insight mishi cu e superficie, ya cu di otro modo, e vehiculo lo bolter.
Probablemente e aparato lo aterisa den region volcanico marciano Elysium Planitia. E portal Live Science ta destaca cu un di e dificultadnan di mas grandi di e proceso di aterisahe lo ta ora cu e controladonan no lo sa kico ta pasando exactamente, debi na e retraso di varios minuut di e señal di transmision di e sonda.
Ademas, e etapa di e mision lo mantene e specialistanan den ansha, debi na e aterisahe fracasa riba Marte di e sonda Schiaparelli di e mision espacial ExoMars, desaroya di forma conhunto pa Roscosmos y ESA na 2016 cu a cay riba e superficie di e planeta cora debi na un mal funcionamento di e ‘software’.