FLORIDA – E nave espacial SpaceX ta na caminda pa e Stacion Internacional Espacial despues di un lansamento historico e fin di siman aki na Florida. E ultimo lansamento aki ta bin despues cu NASA a considera un mision nobo pa su astronautanan, coresponsal di CBS News, DeMarco Morgan, a reporta.
Cu e brulmento di su motornan, e racket di SpaceX, Falcon 9, a wordo lansa diadomingo for di Kennedy Space Center. Algun minuut despues, e racket a bin tera bek. Fundador di e SpaceX, Elon Musk a indica riba medionan social cu e frase: “Baby came back.”
E lansamento di diadomingo tabata prome biaha cu un nave espacial priva a wordo lansa for di su pista di lansamento historico di NASA, di cual un biaha a lansa astronautanan di Apollo direccion pa luna. Esaki ta un luga caminda cual pronto historia por wordo rebiba bao di un plan pa bolbe manda astronautanan pa luna y posiblemente Marte.
E lansamento di SpaceX a bin algun dia despues cu NASA a bin ta considera pa pone astronautanan abordo di un mision pa orbita e luna, yama EM-1. Den un carta obteni pa CBS News, un funcionario halto di NASA a bisa empleadonan siman pasa cu e agencia ta “a punto di descubrimento ainda mas grandi” y ta explorando e posibilidadnan pa “agrega un crew” na e mision.
Esaki por ta un lansamento di loke aministracionnan previo a considera e proximo paso den exploracion den espacio: marte.
“Mi ta kere cu e ta un tremendo cantidad di sentido pa trece e luna bek den un ecuacion pa construi e capacidad y uz’e como un base di entrenamento prome cu bay riba un trip mas retador ainda, pa Marte,” astronomo Derrick Pitts a bisa.
Awo si tur cos bay segun plan, e mision actual SpaceX, e Dragon spacecraft, lo ta na e Stacion Internacional Espacial diaranson tempran, caminda cu e lo entrega riba 5500 liber di ekipo, suministro y tambe hermentnan cientifico.
Fuente: CBS News