Internacional: Na 1968, 50 aña pasa riba 21 di December NASA a lansa raket Apollo 8 pa orbita Luna.
E preparacion a tuma 4 luna so paso NASA kier a logra esaki prome cu Soviet Uni(Rusia).
NASA a manda 3 astronaut den Apollo 8. Frank Borman, Jim Lovell y Bill Anders.
Durante e biahe aki nan a saca potret di Luna pero tambe di e mundo. E potret a wordo yama “Earthrise”. E biahe aki a dura di 21 di december te cu 27 di december. Riba 25 di december Apollo 8 a pasa full rond di luna. Door cu tawata tin tanto cos nan negativo pasando e aña ey na Merca, NASA ta menciona cu Apollo 8 a scapa 1968 cu algo positivo.
Ora Apollo 8 tawata Orbita luna e 3 astronaut nan a lesa Genesis bisando cu Dios a crea Shelo y Tera. Nan a termina cu: “Nos di Apollo 8 ta sera cu un bon nochi, suerte y un Bon Pasco. Dios bendiciona boso riba e bon Mundo”.
Nasa su astronaut-artist Nicole Stott ta bisa cu e aniversario aki ta un bon oportunidad pa reintroduci mundo cu e potret “Earthrise”. Stott cu 3 otro “Space Travelers” tin un celebracion na NASA Kennedy Space Center pa recorda cu 50 aña pasa a launch Apollo 8.
Par di luna despues na 1969 Apollo 11 a bay Luna. Nan si a baha riba Luna.
Cortesia: The Himalayan