NASA: Luna ta bezig ta krimp

Segun NASA Luna ta birando chikito constantemente y esaki ta debi na e constant teremotonan cu ta sosodiendo. E informe aki a bini despues di un analisis di imagennan capta pa e “Lunar Reconnaissance Orbiter (LRO) di NASA. E analisis di mas di 12 mil imagen a revela cu e krater “Mare Frigoris”, serca di Polo Norte di Luna, un di esnan cu ta wordo considera “morto” for di e punto di bista geologico, ta birando mas chikito y cambiando. Cu diferencia cu nos planeta, Luna no tin plachinan tectnico, pues su actividad tectonico ta sosode na momento cu e perde calor poco poco desde cu el a keda forma 4500 miyon di aña pasa. Esaki ta haci cu su superficie ta haya mas “rimpels” loke por compara cu ora un druif bira un rasenchi, dus jen di “rimpels”. Como resultado di esaki, Luna a bira “mas flaco” cu alrededor di 50 meter den e ultimo 100 miyon di aña. E astronautnan di Apolo a cuminza midi actividadnan sismico riba Luna den añanan 60 y 70, dunando indicacion cu mayoria di e actividadnan ta sosode den profundidad di e suela di Luna, caminda un cantidad chikito ta sosode riba suela mes. E analisis aki cu a keda pubica den Nature Geoscience y a investiga e actividadnan sismico lunar registra pa e misionnan di Apollo, a duna resultado tambe cu tin vinculo entre nan.

 

Comments

comments