HOUSTON, Texas – NASA a topa riba Europa, un luna cu ta draai rond di e planeta Jupiter, posibel spoor di damp di awa. Esaki lo mester a wordo ocasiona door di geisers.
E organisacion espacial a bin cu imagennan di e telescopio di Hubble cu por confirma e hayasgo aki. For di e parti zuidwest di e luna, a saca potret, cu tabata mustra cu tabata tin fontein di damp di awa cu ta spuit for di e superficie di Europa.
Esaki segun NASA ta obn noticia. Esaki sigur lo haci e investigacion di e superficie di e luna hopi mas facil, pasobra e no lo ta sali for di capanan diki di ijs cu eventualmente mester wordo bora. “E fonteinnan, cu ta spuit mas of menos un 200 kilometer den laira, ta forma posibel entrada pa investigacion bao di e superficie di e luna Europa,” segun NASA a bisa riba nan website.
E organisacion di espacio ta considera Europa, despues di tera, e luga mas probabel den nos sistema solar pa eventual bida.
Fuente: RTL Nieuws