Diahuebs den oranan di merdia recherchenan di team narcotica bou ordo di fiscal di ministerio publico a haya ordo pa detene tur cumprado di droga na e famoso cas na Seroe Alejandro na Savaneta. Durante merdia e recherchenan tacticamente tabata blokia varios auto cu tabata cumpra droga ne cas y no tabata yega leu. Despues di a acomula algun cumprado a haya orden di fiscal pa asina drenta e cas den atardi.
Den e cas tabatin hende grandi y muchanan. Recherchenan a detene e hendenan grandi di cual tin hende jong muhe, y hende grandi. Tres hende a keda deteni, a yama familiar pa busca e muchanan chikito pa nan no sigui mira e situacion cu ta andando cu polis ta teniendo un razzia den e cas.
A listra auto y cos den e cas y den e cas dilanti hues comisario a tuma tur cos den beslag cu ta e droganan.
E caso aki no ta desconoci ya na 15 di maart 2022 a detene tres hende den nan hende di riba 64 aña. No ta mucho tempo atras e sospechosonan a logra sali y a bolbe hitnan pa nan negoshi di droga.
