NEW YORK CITY, New York – E pedido di libertad di Mark David Chapman, e asesino di e exBeatle, John Lennon, a wordo rechasa pa di nuebe biaha, autoridadnan penitenciario di e estado di New York a bisa dialuna.
“Mi por confirma cu su demanda a wordo rechasa,” un vocero di AFP a indica. El a agrega cu e no tabata tin ningun otro detaye riba e decision di e comision di libertadnan condicional.
Mark Chapman di 61 aña, a wordo condena na 1981 den un pena di entre 20 aña di prizon y di cadena perpetua.
El a wordo cataloga como liberabel na December di 2000 y desde e tempo ey a pidi en vano cada dos aña su liberacion.
Chapman a asesina John Lennon na porta di e edificio di New York, unda e ex Beatle tabata biba dia 8 di December di 1980. El a tir’e cinco biaha ora c e cantante a yega bek su cas dilanti di Central Park, compaña di su casa, Yoko Ono, pa 10’or y 50 di anochi.
E asesino di Lennon ta cumpli cu su condena den e prizon di siguridad halto di Wende, na Alden, den e estado di New York.
Fuente: NTN24