GINEBRA, Suiza- E Human Rights Council on Human Rights di Nacionnan Uni (UNCHR) a presenta e informe riab e crimennan cometi na Venezuela. E ta apunta riba posibel ehecucionnan extra hudicial di parti di forsanan di siguridad y di varios casonan di desaparicionnan forsoso durante e protestanan anti- gubernamental na Venezuela.
“E UNCHR a yega na e conclusion cu e forsanan di siguridad a haci uzo di nan armanan di servicio durante e manifestacionnan, causando morto di 27 manifestante:, segun e informe definitivo riba e violacionnan cometi entre 1 di April y 31 di Juli, periodo den cual a muri un total di 124 persona, di cual 46 ta producto di inhalacion di gasnan lacrimogeno e.o.
Nacionnan Uni dia 8 a presenta e conclusionnan preliminar di su investigacion, cual el a haci por medio di 135 entrevista di testigonan for di Panama y Ginebra, ya cu nan no tin acceso na e pais.
UNCHR a registra tambe “varios caso di desaparicionnan forsoso”, un forma particularmente grave di detencion arbitrario, pero si tabata por a determina e paradero di tur e personanan cual casonan a wordo documenta.
Segun e ONG Foro Penal Venezolano, 5.501 persona, den cual tin 410 mucha a wordo deteni entre 1 di April y 31 di Juli, den cual a wordo deteni un total di 1383 persona. Den casi tur e casonan tabata tin señalnan di tortura, incluyendo mucha, tratonan cruel, inhumano y degradante, ekivalente den varios caso di actonan di tortura.