New York, MERCA- “Nos ta den un momento critico di historia. Ya na principio di aña caba nos tabata enfrenta na e crisis humanitario mas grandi desde e creacion di Nacionnan Uni”, segun e hefe humanitario di e organisacion, Stephen O’ Brien, a declara na e Conseho di Siguridad.
Na e situacion aki awo mester añadi un posibel hambruna den cuatro pais: Zuid- Sudan, Somalia, Yemen y e parti noord- oost di Nigeria, segun O’ Brien.
Na Februari caba ONU a avisa cu cerca di 20 miyon di persona den e paisnan ey ta den un situacion di hambruna of ta core risicio grandi di cay den dje den e proximo seis lunanan.
ONU ta uza e terminologia hambruna solamente ora den cierto zonanan e nivelnan di mortalidad, malnutricion y hamber, situacionnan extremo y poco habitual, cu apenas un decena di casonan den e ultimo tres decadanan.
Ta sumamente neceario un inyeccion inmediato di fondonan, pa atende esunnan mas den necesidad, den e tres paisnan ey y tambe e zona noord- oost di Nigeria.