Tocante e situacion di Venezuela, esaki ta un reto cu tur e paisnan rond di Venezuela, ta enfrentando aworaki, pa cual Minister Andin Bikker ta elabora ariba esaki.
Na comienso di siman Nacionnan Uni a saca un comunicado, pero esaki tabata un recomendacion pa paisnan trata ciudadanonan Venezolano, como refugiado. Nacionnan Uni no por impone ariba e paisnan autonomo, kico nan tin pa haci. E ta un recomendacion, unda el a haci un apelacion pa tene cuenta cu e aspecto humanitario y pa nan duna cierto recomendacionnan, con pa anda cu e situacion, ofreciendo ayudo ariba dje.
Gobierno di Aruba ta evaluando esaki, hunto cu gobierno di Reino ya cu loke ta relacionnan exterior, ta algo di Reino y den cuadro di esaki, gobierno di Aruba, e minister di Asuntonan General ta bezig den estrecho contacto cu Binnenlandse Zaken di Hulanda, pa nan evalua e liña y tambe Buitenlandse Zaken, pa evalua e liña di Reino Hulandes, pa loke ta e problematica aki. Pero minister di Husticia, mr. Andin Bikker ta nenga cu esaki por tin di haber cu pais Aruba.
Si autoridadnan di Aruba ta ariba un alerta, por si acaso. Minsiterio di Husticia a laga DWJZ traha un decreto caminda cu tur miembro uniforma di Cuerpo Policial ta bay haya e poder bek, cu nan tabata tin caba te cu 2009, pa nan por controla tambe esunnan cu ta indocumenta. Esaki door di hopi persona, cu door di e situacion na Venezuela, ta busca refugio na Aruba y esey ta pone mas persona cu tin autoridadnan pa controla nos leynan na un manera mas efectivo. E decreto ta practicamente cla y pronto lo bay emiti esaki.
Por ultimo, minister Bikker a bisa di lo ta biahando pa Hulanda, pa, basicamente, den overleg cu coleganan di Hulanda pa loke ta Vreemdelingenketen, pa ta ariba un solo liña pa loke ta e situacion cu Venezuela.