KAMPALA, Uganda – Mas di 4000 persona a muri door di un brote di malaria na Burundi, caminda cu ya ta bayendo pa un aña, Nacionnan Uni a informa diaranson, un cifra drasticamente mayor na e 700 cu e Gobierno a reporta apenas dos siman pasa.
A registra mas di 9 miyon di caso di malaria den e nacion aki di Africa oriental desde Januari 2016, un rapport di e agencia humanitario di Nacionnan Uni a bisa. Burundi, un di e paisnan mas pober na mundo, tin aproximadamente 11 miyon di dollar. E casonan di malaria “ta supera pa hopi e nivel di un epidemia”, e informe ta bisa, citando expertonan di e Organisacion Mundial di Salud.
Ta e mas reciente crisis pa Burundi, un pais asota pa violencia politico desde 2015 y cu ta padece un escases di alimento cu segun Nacionnan Uni, a laga e 10% di e poblacion den peliger di inanicion.
E crisis a rementa na April 2015 cu e decision di e presidente Pierre Nkurunziza di postula su mes pa un di tercer periodo, loke oposicion a cualifica di anticonstitucional. Cientos di persona a muri y mas di 380 mil a huy na paisnan bisiña.
Nacionnan Uni ta calcula cu e cantidad di personanan na peliger di desnutricion a aumenta di 2.1 miyon pa 3 miyon entre October y Januari, e rapport ta bisa.
Fuente: Associated Press