SAN JUAN, Puerto Rico- E cantante Venezolano urbano Nacho diaranson a admiti na San Juan, caminda e ta promocionando e remix di “No te vas”, cu e ta teme pa e “stabilidad” di su famia cu ainda ta residencia na su pais natal. Nan ta entrenta e problemanan social, como tambe e escasez di productonan basico y di cuminda.
Dilanti un grupo limita di periodista den un hotel di e capital Portoriqueño, a conta cu ainda tres di su nuebe rumannan ainda ta bibando na Venezuela. E otro nan ta residencia na Chile, Republica Dominicana y Merca.
“Mi rumannan ta prospero, nan ta hendenan studia y a gradua. E limitacionnan cu nan tabata tin ta di escasez, cu nan no ta haya algun producto basico pa come of cu nan kier uza. Ta trata di cosnan basico manera habon, desodorante, articulonan necesario pa higiena personal”, según Miguel Ignacio Mendoza Donatti, nomber berdadero di Nacho.
E menor di e nuebe rumannan a bira den un di e voznan mas critico contra di e gobierno di Nicolas Maduro, desde cu esaki a tuma e poder over despues die fayecimento di Hugo Chavez. “Mi ta soña cu libertad, progreso y cambio di presidente. Nos mester un oportunidad nobo of un speransa nobo”, Nacho a enfatisa. El a afirma cu den e proximo eleccionnan Venezolano, cu lo tuma luga dia 20 di mei proximo, Maduro o gana esaki di manera fraudulento.
Mi ta wak cu progreso ta deteni, mi ta ripara cu hopi hende riba caya tin miedo di expresa nan mes, hende tin miedo, mas cu tur cos miedo di e ley cu gobierno kier impone”, el a agrega.
“Mester sigui denuncia. E unico manera pa mi cera mi boca ta dia cu mi muri. Nos tin beyesanan natural, recursonan, recursonan humano y nos mester wak nos mes den un evolucion pa e regimen cu a caba cu tanto cos”, e hoben artista di 34 aña y tata di 4 yiu a resalta.
E artista Venezolano cu a bishita Venezuela “algun luna atrás”. y cu cada biaha cu e bolbe su pais, e ta sinti e persecucion gubernamental desde cu e yega airport y cu mester huy “pasobra cu tin organisacionnan arma” cu ta persigui’e te na unda e ta hospeda.
“Biba cu hombernan arma sembrando teror ta incomodo”, e ex miembro die duo Chino y Nacho, y interprete di exitonan manera “Mi niña bonita” y cu awo ta promociona e remix di “No te vas”, cu ta conta di e participacion tambe di e Portoriqueñonan Wisin y Noriel.
Nacho a puntualisa cu e apreciacion di e “Venezolano” ta hopi similar na di e Portoriqueño”, ora cu el a constata cu’n spirito guerero y di lanta bek contra di cualkier adversidad”, dunando ehempel di loke a pasa na Puerto Rico despues di e devastacion di e horcan Maria na September ultimo.