) Diabierna ultimo polisnan tabatatin un acion riba dump di parkietenbos. ta trata aki di situacion di trahadornan di barco cu ta drenta Aruba pa trece mercansia sea ta fruta of berdura, pero tambe ta bin cu extra personanan riba boto y na yegada na Aruba ta sali for di e portanan di waf y drenta nos isla. A haya diferente yamada y informacion for di basta dia cu tin un situacion stranjo ta pasando na waf di barcadera, no ta di awor , pero for di basta tempo.
Actualmente polis ta mirando e situacion mas di serca y dia pa dia ta constata cu salida di e personanan cu ta solamente algun ora por sali via di e porta di waf por trece consecuencia no mucho positivo pa Aruba mirando e otro actividadnan ilegal cu ta keda haci riba e isla. Antes cu waf tabata cay bao di APA tabatatin reglanan estricto pa entrada y salida di cada persona cu ta bin riba barco. E echo ta cu cada un di personanan aki a bin pa haci entrega di algun producto y despues bay rumbo bek pa Venezuela, pero den e ultimo tempo mirando den loke Venezuela ta pasando mas persona ta biniendo den boto y mas ta e actividadnan cu ta keda haci riba nos isla.
E pregunta ta keda esaki ta legal? esaki por sosode riba nos isla zomaar? E vigilancia na porta di waf ta esun adecua? Den pasado e regla tabata cu solamente e personanan prinsipal di e barco por drenta Aruba esta e kapitan, koki y e mecanico,awor cu Waf a keda pasa pa astec importante ta pa sa si e mes un reglanan aki a keda vigente, mirando e situacion cu tin actual. diabierna ultimo polis por a saca como 15 persona cu a sali for di waf cu a bay shop tire riba dump pa asina hiba Venezuela pa esaki keda bendi.
Tambe tin fuerte indicacion cu tin un grupito special cu ta bin cu e botonan aki y ta drenta aruba y haci otro tipo di actividad riba nos isla y despues di algun ora nan ta subi e boto y bay venezuela no por alcansa nan mas.Actualmente cuerpo policial tin bista riba e situacion na waf , dump. Mirando e desaroyo aki nos di Mas noticia a bay vigila e situacion mas di cerca y pa sorpresa intrada y salida na waf e control ta laga hopi di desea.
Aki un di nos fotografo por a capta na momento cu un grupo ta sali y e mes un persona aki ta riba dump ta shop, tambe por a constata un otro grupo cu ta drenta full garga , pero ta pasa bay sin ningun hende ta controla den cada tas cu nan ta hiba. Esaki ta pasa ora di drenta , pero ora di sali tambe no tin un control si e personanan aki ta bini cu algo for di venezuela cu ne sea ta arma pa comete atraco, droga of otro obhetonan cu ta inlegal.
Esaki ta un situacion cu tanto gobierno y astec mester tuma mas na serio y trata di bin cu un control mas severo y asina aporta na menos esenarionan ilegal cu ta pasa na momento cu e cuidadanonan aki ta sali for di e porta di waf. E pregunta prinsipal ta kende ta responsabel di e control na Waf pa evita actonan inlegal sosode na nos Isla?