Un grupo di persona a dicidi di tuma ley den nan propio man y propina un ladron cu un bati brutal, cu a wordo sorprendi ta horta den un garashi di autoparts den e ciudad di Trujillo, na Peeru.
Den un video, unda cu varios medio local a mustra, por a mira e bisiñanan ta scop e individuo y tirando piedra sin piedad contra e bandido pa despues basha combustibel riba dje y kim’e bibo.
“Kima su brommer”, por a scucha un homber bisa. Den otro imagen, otro bisiña a indica: “E, e, kim’e!”
Segun La Republica, varios persona a purba di yuda e ladron, cu, envolvi p’e vlamnan, tabata lucha pa sobrevivi.
E bomberonan y Polis Nacional a interveni rapidamente y e homber a wordo hiba cu urgencia na un hospital. Su situacion ta critico debi na su kimanan.
Autoridad ta purba di identifica awo e otro dos personanan cu a participa den e intento di robo, pero cu a logra hiu. Tambe lo determina e responsabilidadnan penal di esunna envolvi den e accion violento aki.
