Cu honda pena y sumamente conmovi partido MEP a tuma nota di e fayecimento di awe den feliz memoria sr. Benito Werleman. Benito Werleman a nace dia 21 di maart 1937 y a fayece dia 5 di December 2019. Na bida Benito tabata co-fundador di nos partido y a aparece riba e prome lista di MEP na 1971. Pues Benito tambe a duna su aporte incondicional na nos Libertador Betico Croes pa saca Aruba for di e constelacion Antiyano, esta pa e logro di Status Aparte. Partido MEP ta gradici Benito Werleman pa su fieldad y pa tur locual el a haci pa nos partido y nos pais y ta spera cu Papa Dios lo tin un bon lugar den su Reino pa sr. Werleman. Na su familia, nos mas sincero condolencia. Alabes ta invita henter partido MEP pa asisti na e acto di entiero cu lo tuma lugar Diamars dia 10 di December 2019 for di 1’or pa 4’or na Misa Inmaculada Concepcion na Santa Cruz.