Eagle Beach: encabesa pa e ekipo entusiasma di Activities, Pool & Beach hunto cu asociadonan di diferente departamento, ‘Sponsor-a-Mile’ a lansa nan accion mensual di limpieza na e costanan dilanti e hotel y tambe na cada banda di caminda. Trempan e asociadonan a sali y circula rond di Eagle Beach pa asina hasi limpi. E iniciativa a wordo recompensa cu un gran cantidad di saco di sushi jen jen y sonrisa riba e caranan, mientras cu e ekipo a regresa bek na e compleho lagando e cayanan y e beach impecabel.
E actividad ta diseña como un recordatorio mensual pa mantene Aruba limpi y pa educa e asociado- y invitadonan pa benta nan sushi afor na un manera responsabel, sin laga nada atras. Riba potret por aprecia e ekipo riba nan mision valioso.