Empleadonan y gerencia di Hilton Aruba Caribbean Resort & Casino a bin hunto pa celebra su pasion y compromiso na hospitalidad, localmente y globalmente, durante e luna di October.
E resort a opta pa participa den varios proyecto y evento, como un manera pa duna bek na e comunidad, y keda den contacto cu esnan cu menos recurso.
Un grupo di miembro di ekipo dedica boluntariamente a duna di nan tempo riba un bunita diasabra mainta, pa haci e playa limpi na Grapefield, San Nicolas, cual ta un destinacion popular pa kite surfing. Cantidadnan considerabel di sushi y sushi di lama a wordo colecta di e playa y e area rond di e playa.
Un grupo di miembro di ekipo tambe a participa den e pink-walk anual cu a wordo organisa pa Fundacion Mary Joan Breast Cancer y nan a mustra nan sosten na tur esnan cu ta combatiendo e malesa, expresando solidaridad y compasion.
Tambe durante e luna, e miembronan di ekipo a haci un donacion generoso di cuminda y articulo destina pa Fundacion Pa Nos Comunidad Aruba, cual ta sostene famianan den necesidad. Pa conclui e actividadnan di e luna, miembronan di ekipo a cumpra regalo cu lo wordo presenta na habitante di Cas di Mucha Imelda Hof, como sorpresanan special, riba e dia di Thanksgiving.
Hilton Aruba Caribbean Resort & Casino su luna di servicio a yuda concientisa e miembronan di ekipo y mantene un colaboracion di cerca cu e isla su NGOnan, sosteniendo proyectonan social y caritativo.