Forsanan Aereo Hulandes na Febrüari 2022 ta haña na nan disposicion e MQ-9 Reaper. Ta trata di 4 base riba tera y 4 avion di inteligencia sin tripulacion. E aparatonan desde den laira por colecta data y informacion.
Defensa por lo pronto lo ehecuta test cu e sistema sin arma na Korsou. Esei tin di haber cu e circunstancia di tempo cu ta bentahoso y e disponibilidad di e espacio aereo. Tambe e Reaper ya caba por wordo desplega den Region Karibe pa tareanan di Defensa. Por ehempel na momento di sosten na autoridadnan civil of pa deteccion of vigilancia. Den esaki lo colabora parcialmente cu Estado Unido, por ehempel durante operacionnan anti droga.
E avionnan y e 2 stacionnan di tera lo keda staciona na Aeropuerto Hato. E 2 otro stacionnan di tera ta ubica na Base Aéreo Leeuwarden. For di aki e imagen nan procedente di Region Karibe ta keda analisis. E MQ-9 al final lo haña Leeuwarden tambe como su base principal.
E Reaper tin censornan cu pa largo rato por observa tanto riba tera como den laira riba lama y colecta informacion, sin cu tin un piloto abordo. Debi na e control via satelite e aparato por keda maneha rond mundo. E sistema ta pas completamente cu e deseo di Defensa pa opera a base di accionnan militar impulsa pa informacion.