Na e momentonan critico den e pandemia e ministerio di boluntario di freewinds ta añadi social pa purba inversa e subida den casonan di Corona

Pa motibo cu e variante mutante di corona virus a causa cu casonan di covid-19 a aumenta na Aruba, awor mas cu nunca mester aumenta medidanan pa nos isla keda sigur. Un arma clave ta pa desinfecta lugarnan caminda contaminacion ta posibel. Cu esaki den mente mas y mas organisacion ta uni forsa cu e Ministerio di Boluntario di Freewinds pa haci Aruba e lugar mas sigur na mundo.
Un di e compania cu a haci esaki ta Primito Pest Control kende a uni su mes na esnan cu a kier tuma e bataya contra Covid-19 na caya. E Ministerio di Boluntario di Freewinds a ofrece nan e oportunidad di usa un producto di desinfecta mas efectivo, nan a acepta esaki sin basila. Nan a cera nan negoshi tempran y pone un borchi bisando:” Nos ta cera pa entrenamiento” E Ministerio di Boluntario a duna entrenamiento teoretico y practico den uso di D7 pa desinfecta.
D7 of Decon 7 ta e agente mas poderoso riba mercado capas di mata 99.9999% di bacteria y virus, incluyendo Corona Virus.
Profesionalnan sa esaki y nan ta asegura cu nan ta duna e mihor servicio na nan clientenan y asegurando nan seguridad cu D7.
Sabiendo con importante e ta pa sigi e proceduranan propio exactamente pa haya resultado positivo e personal di Primito Pest Control a capta tur informacion duna den e entrenamento y asina a mira cu certeza cu D7 ta desinfecta un espacio completamente y cu e ta capas di mata Corona Virus y 99.9999% di tur otro virus y bacteria. Cu esaki den menta nan sa cu nan por proteha nan cliente y nan mes mientras cu nan ta contribui pa haci Aruba e lugar mas sigur na mundo caminda turista ta bin di bishita y negoshinan por florece.
E doño di Primito Pest Control, Sr. Greg Prim a bisa lo siguiente di e entrenamiento:” Primito y su forsanan special ta reconoce cu nan mester uni forsa pa lucha contra e pandemia. E producto mas sigur y efectivo hunto cu metodonan sofistica ta wordo implementa pa yega na e nivel mas halto di desinfecta cu ta nivel 7.
“Como un equipo nos ta haciendo un diferencia den e dianan venidero. Nos t’ey pa yuda gana e bataya te na final.”
Si bo kier uni bo mes na e mision aki y traha cu E Ministerio di Boluntario di Freewinds pa haci Aruba e lugar mas sigur na mundo, si bo kier wordo entrena dor di e Ministerio di Boluntario di Freewinds con pa desinfecta bo lugar di trabou of bo cas, of ricibi seminario di prevención pa desinfecta bo lugar, por favor contact Deputy Port Captain di Freewinds na su email: [email protected] of na signal +1-727-8104 of na cel 297 747-1613.
Pa haya informacion con bo por proteha bo mes y otronan,con bo por mantene bo cas y bo lugar di trabou sigur bishita e How to Stay Well Resource Center online na www.scientology.org/staywell na undo bo ta wak tur e pamfletanan y video y por download nan gratuitamente. Tur e material aki ta obtenibel na spaño, hulandes e ingles y 18 idioma mas.

 

 

Comments

comments