Esaki ta e fenómeno cu Aruba ta pasando aden na e momentonan aki. Según vicepresidente di FTA, personanan na Aruba cu ta buscando trabou, inclusive esnan di firme liber, no mester tin problema. E oferta na e momentonan aki ta mas cu e demanda di mercado.
El a splica cu e cantidad di cuponanan di trabou cu tin aworaki ta mas grandi di loke e demanda di mercado ta. Y esaki mr. Hose Figaroa, no ta un tendencia local. E ta mas bien algo mundial. E ta un asunto cu mester atende cu ne, pasobra “no por keda mantene cuponan di trabou habri. Nos tabatin combersacion cu diferente stakeholder.”
FTA ta haya cu gobierno mester haci cierto investigacion prome cu tuma medidanan, manera di laga mas hende di afo bini pa yena e cuponan di trabou. Mester investiga pakico e hendenan no ta aplica awo pa trabou. Nan ta scucha comentario cu door cu hendenan ta haya FASE lo ta hunga un rol. Pero esaki ta incomprendibel si mira e suma c uta haya na FASE y e salario mínimo di Aruba. Ta difícil pa kere cu un hende ta keda conforme cu e 900 florin di FASE pa sobrevivi. Nan ta kere cu e problema ta sinta otro caminda.
Nan a comprende cu Gobierno hasta a cuminsa baha e suma cu ta duna na subsidio, pero esaki no ta yudando tampoco pa pone mas hende solicita pa trabou. Mester tin otro factor, pero pa tuma paso necesario mester haya sa unda e problema ta sinta.