Na ocasion di Nana su cumpleaños GRANDI, e famia extendi di Radabaugh a yega na Aruba cla pa sorprende e cumpleañera cada dia durante su estadia riba e isla.
E famia a hiba e gran dama pa un paseo riba boto y pa un tour di e isla, unda cu na un di e paradanan, el a wordo ricibi pa e representante di e Aruba Tourism Authority kende a nombr’e e Embahador di Bon Boluntad di Aruba.
Na Divi All Inclusive Resort, e Director di Food & Beverage Freddy Zedan a yuda organisa un fiesta na Pure Lime Restaurant, y el a sorprende Nana cu un bunita bolo di cumpleaños, na honor di e cumpleaños importante aki.
“E ta un gran honor pa Divi resorts, staff y gerencia por a forma parti di e ocasion unicamente special aki,” el a bisa “y hende cu ta yega e cumpleaños grandi aki ta berdaderamente increibel den hopi manera.”
Aki por mira e cumpleañera, Nana, hunto cu su yiu muhe y Freddy, ora cu e famia a conta tremendo storianan di su 100 aña di bida.
