Na Curacao ta gara mas ilegal y traficacion di droga

0
RBC Juli 2018
Funmiles-2018

Manera a keda anunsiá, e akshonnan den kuadro di e Actie Centrum Ondermijning Criminaliteit.(ACOC) ta kontinuá.
Djadumingu 25 di mart 2018, personal di Kustwacht, Polis i Duana, a tene un akshon
dirigí riba laman i riba tera en konekshon ku trafikashon di hende, droga i arma.

Awe djadumingu 25 mart 2018, den oranan trempan di mardugá e akshon(nan) aki a tuma lugá riba laman den e área di zùit di klein Kòrsou. E avion di Wardakosta den koperashon ku e Sentro di Reskate i Kordinashon, a detektá un boto sospechoso. Mesora e Super-RHIB a ranka sali i a bin topa ku un boto ku tres persona riba dje. Na momentu ku a kontrolá den e boto a bin topa ku ochenta i un kilo i 775 gram(81.775) di kokaina i dos kilo i 140 gram(2.140) di mariwana. A detené e tres hòmbernan sospechoso ku nashonalidat Venesolano, trese nan na e ‘steunpunt’ di Wardakosta na Parera. A konfiská tantu e lancha i e droga. A pasa e tres sospechosonan over pa departamento di narkótika di Polis ku ta kontinuá ku e investigashon.

Na mes momentu ku e akshon a tuma lugá na Klein Kòrsou, e avion Dash a detektá un otro lancha den bisindario di Bullenbaai. Riba indikashon di e Sentro di Reskate i Kordinashon, otro Super-RHIB a sali i a bin topa ku e lancha ku kuarenta i un(41) persona di nashonalidat Venezolano abordo di kual trinta i sinku(35) hòmber i seis(6) muhé. Mesora a trese e lancha na e steunpunt na unda tur e kuarenta i unu(41) personanan aki despues di a listra nan a pasa nan over pa Polis.

Kontinuando ku e investigashon riba tera den e kasonan aki, polis a bai den área di Kaya Seru Machu kaminda e Tim di matenshon di òrden Públiko a para dos vehíkulo i a detené seis(6) hòmber sospechoso, respektivamente:
1. F.O.Z. di 64 aña
2. E.A.Z. di 41 aña
3. J.A.L. di 36 aña
4. M.D. di 26 aña
5. A.F.B. di 16 aña
6. A.A.J. di 19 aña
Tur nasé na Kòrsou.

A presentá tur seis(6) sospechoso dilanti di un Fiskal Ouksiliar.
Polis a haña i konfiská dos(2) rifel tambe polis a konfiská ámbos vehíkulo pa mas investigashon.

E investigashon den e kaso aki ta kontinuá.

Comments

comments

C: Heineken
new india