Un homber identifica como Isaid Daniel Alvarez Rodriguez, di 29 aña di edad, a wordo asesina dia 21 di april ultimo na caserio Las Margaritas, parokia Romulo Gallegos di e municipio San Carlos, estado Cojedes, pa no paga un debe di 5 dollar.
Un investigacion di e Delegacion Municipal San Carlos di e Cuerpo di Investigacion Cientifico, Penal y Criminalistico (Cicpc) a determina cu un homber yama Edgar Medina, di 25 aña di edad, yama El Globo, tabata responsabel di e crimen.\
E detectivenan a indica cu Medina a acudi n’e luga caminda cu Alvarez tabata pa exigie p’e paga 5 dollar Mericano. E victima a inform’e cu e no tabatin e placa, pa cual e agresor a saca un arma blanco y a provoca un herida den e region di e pecho di e homber.
Alvarez a wordo auxilia pa su famianan y hiba na un centro di salud, sinembargo, e victima a drenta e luga sin signo vital.
E detectivenan di Cicpc di Cojedes, den articulacion cu e funcionarionan di polis di estado Apure, a deten’e y a encarcela e sospechoso preventivamente, como tambe a confisca e arma uza den e crimen.
E caso aki ta den man di Fiscalia di Flagrancia di Ministerio Publico, di acuerdo cu un nota di prensa publica riba Instagram pa Cicpc.