Un drama grandi ta loke e careda di distancia largo den e baro di Baiyin di e provincial Gansu na China, caminda un total di 172 corede cu a participa na e competencia, a bin haya nan c’un cambio di clima cu ningun hende a spera.
E careda di 100 kilometer mester a pasa riba un cero caminda di repente e bin un cambio di clima pisa y nan a wordo sorprendi pa hagel, ijzel cu ta awacero cu dor di cambio di temperature, ta bira ijs asina cu a cay riba tera, mientras cu a lanta un biento masha duro mes.
Na prome instante ora a papia di 16 atleta cu a muri y tabatin cinco mas perdi pero despues di algun ora a bin haya cuater di nan morto diasabra anochi y diadomingo mainta a bin haya e ultimo cu tabata perdi pero e tambe a fayece.
Dor di e tempestad cu a surgi tabata te banda di 3’or di marduga cu a logra trece 151 atleta aden dic ual ocho di nan tabata herida y mester a wordo transporta pa hospital.
E region caminda e drama aki a sosode, ta un sector cu den pasado a wordo asota temblornan pisa, inundacion y movement di tera pero prome cu e careda diasabra, no tabatin indicacion algun cu algo cu lo por tabata un peliger.
Un total di 21 coredo a perde nan bida den e drama deportivo aki.