Den un entrevista cu Luitenant Kelly di Arumil, el a splica cu despues di 3 siman cu e hoben ta den un programa intensivo, ta invita e mayornan pa haci un bishita y wak e cambio despues di 3 siman.
Mester duna e hoben e oportunidad pa e custuma cu e sistema militar. Corporal ta duna tarea, e hoben tin cu scucha y haci e tarea.
‘’E ta un escogencia pa bo mes, nada no ta un regalo, bo tin cu traha p’e, segun Luitenant Kelly”. Ta sinta cu e hoben individual, motiva e hoben y si e tin pregunta e por haci esaki. Tin hoben ta tuma e cambio cu hopi dificultad y tin hoben ta custuma y adapta hopi lihe na e sistema.
E hoben ta bay cas despues di 3 siman. E mayornan na nan luga tin cu mantene e disciplina pa e hoben no cay atras. Despues di 3 siman ta subi e nivel di training y ta duro si e hoben cay atras.
E hoben cu a cay afo ta hoben cu tin nan mesun sistema y ta dificil pa nan adapta na e sistema di Formacion Social. Bo por keda papia cun’e pero ta dificil pa tin un hende contra su boluntad. E hoben por logra si e pone di su mes y persevera.