E gran anochi di gala di e ceremonia pa presentacion di premionan lo tuma lugar na e mahestuoso Crystal Theater na Renaissance Aruba Resort & Casino riba diahuebs dia 30 di november 2017.
E lo ta un anochi espectacular unda tur hende lo disfruta di filmnan netamente Arubano.
Reserva dia 30 di november venidero pa presencia un anochi inolvidabel apoyando nos filmnan local!
E Aruba Short Film Festival a cuminsa na 2014 y e promer ganado tabata Darwin Winklaar kende ta studiando arte na Hulanda.
E prome edicion a conta cu un gran audiencia y tabata un exito rotundo.
Despues di algun luna por a mira algun di e miho filmnan pasa na Tele Aruba varios biaha.
Aruba Short Film Festival ta un plataforma poderoso pa expone talento den film.
Na 2015 e magno evento aki a crece y a dividi e participantenan den 2 categoria cual ganadonan a resulta Gabriela Croes y Semi Chahmi.
Gabriela ta studiando film na Hulanda y Semi Chahmi ta conoci pa Chahmi Films y hopi mas.
Na 2017 nos a opta pa no dividi e participantenan den 2 categoria di edad y tampoco lo tin categoria di documental.
E edicion aki lo enfoca riba categoria di cortometrahe solamente.
Tur persona cu tin pregunta por email nos na [email protected] anto CC (copy) [email protected] of bishita nos pagina di Facebook.
Sigi nos riba Facebook, pa mas info y tin hopi sorpresa na caminda ya 2018 nos ta celebra nos promer lustro!
Reserva dia 30 di november venidero cuminsando 6 PM pa bay y apoya nos filmnan local!
Ban sigi stimula nos talentonan nacional, apoya nos productornan, directornan, actornan y otronan na Aruba.
No perde bo oportunidad pa bin apoya nos comunidad di film votando pa e annual People’s Choice Award.
Ticketnan lo ta na benta na entrada desde 6 PM y por tuma asiento ora porta habri 6.30 PM.
E anochi tan anticipa di e gran ceremonia di premio den film Arubano ta cuminsa 7 PM.
E resultado na 2016 tabata hopi amplio:
Miho actriz: Sabrina Tromp den E yobida di ayera
Miho actor: Alan Monte, den Mi ta bon!
Miho producente documentario:
Pamela de Coteau pa Deserted houses
Miho producente cortometrahe:
Armand Simon pa E yobida di ayera
Premio di Publico
Categoria documentario:
1. Recuerdonan di Infancia di Ingram Frans
2. Deserted houses di Pamela de Coteau
3. Gerry, e barbero di Zetsia Ponson
Premio di Publico
Categoria cortometrahe:
1. Riba liña peligroso di Cedric Gei
2. E yobida di ayera di Armand Simon
3. Mi ta bon! di Lyrick Perez y Renzjo Arcaya
Miho documentario 2016
Categoria documentario:
1. Lucha pa husticia, di Danny Martinez
2. Deserted houses, di Pamela de Coteau
3. Recuerdonan di infancia, di Irmgard Frans
Miho cortometrahe 2016
Categoria cortometrahe:
1. E yobida di ayera di Armand Simon
2. Riba liña peligroso di Cedric Gei
3. Mi ta bon! di Lyrick Perez y Renzjo Arcaya