Despues di a haya mas cu 3 dump ilegal riba caminda di barcadera, Serlimar kier sa ta cuanto permiso tin paso te caminda ley ta bisa ta un dump legal tin pa cual aki Sr. Micheal Rasmijn manager di dump ta splica.
Riba dump tin espacio pa tur cos y esunann cu ta cumpliendo cu regla, ta biniendo eynan ainda. E luga kisas ta halto, pero espacio tin ainda pa haci tur cos, y e ley ta bisa cu e dump di Parkietenbos ta esun legal. No tin excepcion pa bay cu sushi otro caminda.
Esey ta e asunto awor, cu cerca di e dump legal tin sushi ta wordo tira y Sr. Rasmijn ta puntra si nan tin permiso, mescos cu nan si tin. Ultimo lunanan tin un problema cu sushi di barco y Sr. Rasmijn mes a notifica tur e instancianan concerni tocante di esaki y te ainda e no ta tende nada di e instancianan aki.
Su preocupacion ta cu si tin malesa, e lo por pega. Desde Maart e sushinan di barco no ta biniendo dump y tur instancia ta na altura di esaki. Serlimar ta opera e sushi di Aruba, e parti ey no ta cay bou di Serlimar. Si tin sushi cu malesanan contagioso, tur hende por pega. E ta bin dilanti, paso no por sigui asina cu ta tira sushi unda cu ta, tur hende sa pero nada no ta wordo haci.
Serlimar tin e derecho pa opera ariba dump, pero parce cu tur caminda tur hende por tira sushi unda cu nan kier pa nan haci negoshi, pero e ley ta bisa cu tur sushi di Aruba mester bin Parkietenbos.
Pro ultimo, Sr. Rasmijn a bisa cu el a notifica autoridadnan competente, y awo ta djis purba wak si yamandonan un biaha mas, nan tin oido pa nan y vooral pa e asunto di sushi di barco.