Afganistan- Hende muher no tin derecho riba educacion na Afganistan. Ariba un diaranson studiantenan femenino cu a yega na porta di nan universidad nan a haya nan confronta cu e sorpresa cu nan no tin derecho pa drenta nan universidad. A cuminsa mas di un aña pasa pa saca mucha muhernan di mayoria di e scolnan secundario y awor ta turno di e studiantenan di universidad.
Studiantenan tristo y desapunta cu e limitacionnan aki ta haya nan mes ta bay cas bek sin sa si un dia nan lo bolbe drenta enseñanza.
Un studiante di Universidad di Kabula a expresa : “Nan a destrui e unico brug cu por a conecta mi cu mi futuro.”