Despues di un temporada di softball hopi activo Aruba a conose su campeon y sub campeon pa cu aña 2016. Diabierna ultimo a reparti tanto premionan di equipo Campeon y Sub Campeon den categoria AA respectivamente Royal Power y Pizza Hut Monsters pero tambe premionan individual pa atletanan cu e destaca durante henter e temporada. Champion Batter, Champion Pitcher, Champion homerun tur e premionan aki ta wordo saca for di atletanan cu a destaca durante campeonato regular. MVP sinenbargo ta wordo saca for di e ultimo serie. Despues di e wega final a bay over mesora pa entregamento di premio. Filbert Thiel di Balashi Premium a bay cu e titulo di champion batter cu 24 hit den 37 turno mas 16 base por bola y 3 hit by pitch pa un averahe di 649 cumpliendo cu e minimo di 50 plate appearance, Leander Angela a bay cu e titulo di champion homerun cu 3 homerun pafor di parke mientras Richinell Matos ta conquista e titulo di champion pitcher cu 9 victoria y 2 derota. Jomark Flanegin cu 8 victoria y 1 derota a keda na segundo lugar. Aruba Softball Bond ta felicita tur atletanan sigur esnan cu a destaca tambe ta gradici dirigentenan, techniconan di tur equipo, cuerpo di umpires y scorers, donjonan di tereno, subsidie commissie, Romar Trading cu Heineken, prensa deportivo y tur cu a aporta cu nan granito di areno pa hunto por tabata tin un campeonato asina competitivo y exitoso. Por aprecia potretnan durante ceremonia di repartimento di premio. Softball floreciendo.