MANCHESTER, Inglatera – Un hoben musulman cu wowonan tapa, a cuminsa ta brasa hende den centro di e ciudad, despues di e atentado na Manchester. Varios peaton tabata pasa, segun e corant local, Manchester Evening News, na e blogger Baktash Noori, pa asina brind’e sosten.
Noori a tuma riba su mes despues di e atentado, pa brasa mas tanto hende posibel. El a haci esaki cu wowonan tapa y a para tras di un borchi cu tin skirbi “Mi ta un musulman y mi ta confiabo. Bo ta confiami suficiente pa brasami?” Riba e imagennan di video por a mira cu hendenan di tur edad y descendencia a brasa e homber aki.
E blogger a para pa algun dia den e centro di e ciudad y a filma e experiencia. El a conta e corant cu e tabata hopi nervioso, pero toch a logra calma despues di e prome brasanan. Hopi peaton a reacciona segun Noori, emocionalmente riba e acto.
E acto ta segun e hoben musulman entre otro cu e intension pa trece e comunidad hunto. E kier laga wak cu musulmannan tambe ta den shock door di e atentado.
Fuente: www.telegraaf.nl