E noticia cu a drenta den oranan di awe marduga a shock tur hende. Junior de Freitas ta un persona hopi conoci den comunidad.
Junior de Freitas ta Polis di profesion y musico cu pasion. Despues di a sali for di Cuerpo Policial el a bay traha na Parket Officier van Justitie y Departamento di Cultura, unda e por a combina su trabou cu mas loke e ta gusta.
Juni a participa den diferente tipo di festival y un amante di celebracion di carnaval pa cual el a participa tanto den festivalnan di Tumba y Calypso, sea como cantante, musico, of compositor.
Na su esposa, yiunan, famia, amigo y coleganan di ramo di musica ta bay palabra di condolencia.
