Museumnacht Filomena College Mavo: Un anochi inolvidabel pa su alumnonan

Pa clausura e aña escolar 2018-2019 a organisa un fundrasing museumnacht unda klas 1 t/c 3 a presenta nan producto final diabierna 28 di juni na e pueblo di Aruba. Segun juff Heyliger e proyecto aki a crea un plataforma unda e alumnonan a siña y a practica diferente habilidad cu ta importante pa nan estudio den futuro como e.o. planeamento di un proyecto, uzo di fuentenan, comunicacion, traha fuente nobo di e informacion acumula, resolve problema, traha resumen di un entrevista y procesa e informacion digital.

E team di Filomena College ta orguyoso di nan alumnonan y ta gradici mayornan pa e sosten y donacionan. Un danki tambe na e pueblo di Aruba cu a haci e anochi aki uno inolvidabel pa nos alumnonan.
Presente na Museumnacht tawata: Juby Naar, Vicente Ras ( a duna presentacion), Robert Thiel, Ronchi de Cuba, Carmelita Haynes, Yiu muher di Laura Wernet Paskel, Yiu di Edgar Connor( Lee Connor) cu por cierto a duna presentacion tambe, familiar di Luis Maduro, yiu di nos libertador Gilberto F. Betico Croes (Gisette Croes), familiar di Margo Croes y Jeffrey Angela cu a yuda e grupo di Padu Lampe.

Un danki special na nos sponsornan, Tropical Bottling Co, Gelato 22, La Cabana, Ruth cake factory, Magic96.5fm, Superfood, Save A Lot,Taurus Estetics, Casa Haime, Ecotech y Andina Ice.
Esaki ta Enseñanza moderno unda nos alumnonan ta mas activo cu e leerstof y ta haya e oportunidad pa demostra nan talento. Door di technologia tin mas fuentenan di informacion y nos tin di coach e alumnonan den e proceso aki pa cu e uzo di e fuentenan.

Comments

comments