CIUDAD DI VATICANO, Vaticano – E comunidad Catolico di mundo mester a warda un poco mas di cuater siglo y mey pa tin un Papa di otro nacionalidad cu no tabata e habitual den Vaticano. Karol Jozef Wojtyla, e prome papa no Italiano, a converti den e maximo Pontifice di e Iglesia Catolico dia 16 di October di 1978.
El a nace na Wadowice, un ciudad chikito 50 kilometer di Warsaw, Polonia, dia 18 di Mei, 1920. Yiu di Karol Wojtyla, un militar di e ehercito Austro-Hungaro, profundamente religioso y Emilia Kaczorowsky, di origen Lituano.
Di hoben, su interes tabata enfoca riba estudio di e clasiconan y un encuentro cu e Cardinal Sapieha, a haci’e considera pa dedica na sacerdocio. Dia 1 di November di 1946, fiesta di Tur Santo, cu 26 aña di edad, el a wordo ordena como sacerdote den e seminario Mayor di Warsaw.
Na 1978, despues di morto di Pablo VI, Cardinal Albino Luciani di 65 aña a wordo eligi como papa nobo, kende a tuma e nomber di Juan Pablo I, pero e Papa a fayee un luna despues di su nombramento.
Despues di e acontecimento, e cardinalnan a reuni den un Conclave, a eligi Karol Jozef Wojtyla como Papa, dia 16 di October, di 1978. El a tuma e nomber di Juan Pablo II y dia 22 di October, a cuminsa solemnemente su ministerio petrino como e di 263 sucesor di e apostel Pedro. Su pontificado tabata un di mas largo di e historia di Iglesia y a dura casi 27 aña.
Su canonisacion tabata un di esunnan mas rapido di Iglesia Catolico. Despues di un extenso proceso, dia 1 di Mei di 2011, e Santo Papa Benedicto XVI, a presidi e beatificacion di Juan Pablo II ante un multitud reuni riba Plaza di San Pedro. Añanan mas despues, exactamente, dia 27 di April, 2014, Papa Francisco a canonisa Juan Pablo II hunto cu Juan XXIII.
Vaticano a anuncia na e momento ey cu e rapides di e proceso aki ta responde na e “imponente reputacion di santidad” di Juan Pablo II, durante su bida y tras di su morto.
Durante e 27 añanan cu su pontificado a perdura – desde 1978 te cu su morto na 2005 – Karol Wojtyla a realisa 26 biahe apostolico na America Latina. Juan Pablo II a presta un atencion particular na e region aki, considera e reserva di e catoliconan di mundo.
Mas cu tur su predecesornan, a haya cu e pueblo di Dios y cu e rsponsabelnan di e nacionnan: mas di 17.600.000 peregrino a participa na e 1166 audiencianan general. Ta importante pa menciona cu durante su ordenansa a entrevista cu numeroso personalidad di diferente Gobierno durante e 38 bishitanan oficial y e 738 audiencia of encuentro cu hefenan di estado y 246 audiencia y encuentro cu prome minister.
El a publica cinco buki. El a realisa numeroso canonisacion y beatificasion cu e obhetivo di mustra ehempelnan inumerabel di santidad cu ta sirbi di estimulo na e hendenan di nos tempo. El a proclama 1338 beato y a celebra 51 canonisacion, cu un total di 482 santo.
Juan Pablo II a fayece dia 2 di April di 2005, na edad di 84 aña. Desde e anochi ey, te cu dia 8 di April, dia cu a celebra e exequianan di e difunto pontifice, mas di tres miyon di peregrino a ridi homenahe na Juan Pablo II, incluyendo parando den rij pa 24 ora pa por accede na e basilica di San Pedro pa observ’e.
Fuente: http://www.eluniversal.com