Mundo a drenta den e tormenta geomagnetico mas fuerte di ultimo añanan

CIENCIA

E evento lo continua durante varios ora prome cu e situacion geomagnetico stabilisa su mes.
E tormenta geomagnetico mas fuerte di e ultimo aña y mey na Mundo, a caba di cuminsa, segun e astrofisico Ruso, Serguéi Bogachov.
“Na e momentonan aki, e evento ta marcando su punto culminante”, Bogachov a splica pa mas o menso 10 or y 10 (GMT).
E cientifico aki di e Laboratorio di Astronomia Solar di e Instituto Fisico di e Academia di Ciencia a precisa cu ta trata di “ un tormenta di grado tres den e un scala di un pa cinco”, pa cual e no ta “ un evento maximo”. Tormentanan solar di intensidad halto ta comun cada dies of bint aña, el a bisa.
E tormenta cu a cuminsa rond di 3 or di mainta y lo dura te den oranan di anochi. E cientifico a splica cu e eventonan aki ta causa aurora boreal (northern lights) y interferencianan den radiocomunicacion, y tambe por provoca problemanan den e rednan electrico y desestabilisacion di e orbitanan di e satelitenan.
Por ultimo, e investigador a adverti cu e tormenta tambe por afecta di manera negativo personanan sensible na alteracionnan di e campo magnetico teresstre.

Comments

comments