E Croatanan ta sigui cu paso firme den e mundial despues di e vence e ‘albiceleste’ den e di dos encuentro di e grupo D.
Diahuebs Croacia a derota Argentina 3-0 den e di dos partido di e grupo D di e mundial. E ekipo di Sampaoli ta bay for di e encuentro cu e sabor amargo di tin cu spera cu e resultado di e otro ekiponan pa nan pasa pa octavonan di final. E resultado di e prome partido, caminda cu Argentina a enfrenta Iceland a haci di Nizhni Nóvgorod den e escenario unda cu e ‘albiceleste’, ken por a pensa, lo hunga como sifuera nan bida ta practicamente ta na un hilo den e mundial aki. Croacia, di otro banda, ta bin di un partido caminda cu el a gana Nigeria sin mayor problema.
Den e prome gol di e encuentro, na di 53 minuut, Croacia a demostra pro medio di Ante Rebic cu nan no tin miedo di niun hende den e mundial aki y cu nan ta hunga cu bista padilanti. E keeper Argentino Caballero cu a purba di wanta e bala cu su pia, a mishi cu esaki di manera defectuoso y Rebic a probecha di e momento y asina tambe Croacia ta bay ariba.
Despues, den un di e tanto contra atakenan Croata, Luka Modric controla den e area frontal, ta haci un pase cu su pia drecha y dilanti di e Nicolas Otamendi, cu’n tiro duro di cual Caballero no por a haci nada mas: e di dos gol pa Croacia na di 80 minuut.
E di 3 gol a bin den extra tempo, ora cu Argentina tabata purba di salba su honor cu atakenan den e area rival pa logra al menos un gol. Ivan Rakitic a concreta dilanti e asombro di e hungadonan Argentino, kendenan a subestima cu algun Croata lo por tabata offside. Un resultado cu Argentina na rand di un precipicio.