Bruselas, BELGICA- Casi cinco shen persona, segun autoridadnan policial, hopi di nan di e comunidad Musulman, a reuni den centro di Bruselas pa recorda e prome aniversario di e peor atentado den historia di Belgica. Nan a recorda e 32 personanan cu a perde nan bida y e mas di 320 otro cu a resulta herida.
Convoca pa medio di rednan social colectivo “Tur Hunto”, e participantenan a cana for di tres diferente punto di e ciudad, te cu nan a topa otro riba e Place du Bourse, na Bruselas.
Un representante di e comunidad musulman a splica cu mas di 150 persona di su asociacion a traslada nan mes pa Bruselas for di varios ciudad di Belgica pa participa den e acto, ya cu nan ta considera cu ta importante pa informa cu den islam “no tin luga pa violencia” y cu “musulmanan ta gusta biba den paz y cu respet pa otro”.
Ciudadanonan cu a participa diaranson den e marchanan a sali for di varios bario di Molenbeek, di e station noord y for di e plasa di Luxemburg, den pleno bario Europeo, cu buketnan di flor cu nan a deposita riba e plasa.