NEW DELHI, India – Un multitud furioso na India a ataca un grupo di studiante Nigeeriano, acusa di canibalismo y asesinato, despues di un morto reciente di un mucha homber local. Tres studiante a keda herida dialuna, dia 27 di Maart, durante e incidente na Greater Noida, cerca di e capital, New Delhi.
Polis a aresta shere persona en conexion cu e atake. Autoridadnan di estado a priminti un investigacion profundo y accion estricto.
E atake a sigui despues di e morto di un hoben adolescente, Manish Khari, riba diasabra, dia 25 di Maart. E hoben aparentemente lo a sufri di un atake di curason debi na overdosis di droga, pero e residentenan a culpa e studiantenan Africano, biba den e area pa su morto.
Mas prome, ora cu e mucha homber tabata perdi pa e dia, e habitantenan a acusa e studiantenan stranhero di canibalismo y hasta a drenta nan cas pa busca e restonan di Khari.
Despues di e kehonan door di e residentenan, polis a culpa e cinco studiantenan Nigeriano cu asesinato, pero no a detene nan debi na falta di evidencia. Sinembargo, nan a keda wanta temporalmente pa interogacion.
Acusando polis pa parcialidad, algun studiante Africano a tene un protesta pafo di e warda di polis den e area demandando pa retira e cargonan di asesinato.
Di acuerdo cu NDTV, polis di Greater Noida a identifica y a rastrea 54 local kendenan tabata parti di e multitud y pronto lo bay inicia accion legal contra di nan. “Nos a aresta seis di shete persona na e sitio. Tin mas. Nos lo aresta nan y pone nan tras di tralie,” oficial di polis Sujata Singh a bisa.
Mientras tanto, un di e studiantenan a keha na e Minister di asuntonan exterior, Sushma Swaraj atrabes di Twitter y a e minister a instrui autoridadnan di estado pa tuma e accionnan apropia pa sigura nan siguridad.
Yogi Adityanath, e minister recien eligi di Uttar Pradesh di cual Noida ta parti, tambe a priminti un investigacion profundo den e incidente.
Fuente: International Business News