HOEKSCHE WAARD, Hulanda – Den oranan di atardi, decenas di automobilistanan a haci nan mes culpabel riba A29, banda di Barendrecht. Esey ta loke polisnan a raporta. Na e sitio menciona, den un accidente, un chauffeur femenino a ricibi varios sla na cabes. Polisnan a tuma nota cu varios automobilista tabata pasa y saca potret of filma e sucedido. Esaki a resulta den seis multa.
E caminda di A29 tabata cera pa basta ora caba, pero e frustracion a bin ora automobilistanan a cuminsa saca potret y filma e accidente. Durante e maneho di e accidente aki, seis automobilista cu tabata riba nan telefon mientras cu nan tabata riba caminda druk a ricibi multa. A ripara por lo menos binti otro personanan den nan asientonan ta saca potret. Sin menciona personanan cu a baha speed di nan auto pa por mira e escena di accidente.
Segun polisnan, saca potret y filma un accidente tabata hopi mas importante cu e siguridad di nan mes y di otronan. Nan ta puntra kico nan lo a haci si ta nan tabata esunnan envolvi den e accidente, si tambe nan lo a sinta filma.
Como ultimo conseho, polis a pidi tur automobilista pa uza nan sentido comun den trafico.