PUERTO RICO – Pa prome biaha den historia, un muhe a wordo designa na e cargo di superintendente di polis di Puerto Rico.
Dr. Michelle M. Hernandez Fraley a wordo nombra na e puesto ayera pa e gobernador electo, Ricardo Rossello.
“Hernandez Fraley ta conta cu un impreisonante historial profesional, caminda cu e ta destaca su trasfondo militar y educativo,” Rossello a bisa ora el a haci e anuncio den un rueda di prensa.
Coronel y comandante di brigada di e Ehercito di Merca, kende a dirigi durante e ultimo dos aña e programanan di capacitacion educativo den Polis, a gradici e designacion.
Despues, el a expresa cu training ta un di e principal armanan pa fortalece polis den e lucha contra crimen organisa y narcotrafico.
“Nos ta monta cinco luna atras di training pa capacita polis den e tema bon abarcador cu ta di igual proteccion y no ta descrimna, specificamente intervancionnan cu transgenero, transexual, trato humano, personanan sin cas y cu esey por tin polis cu tin un base educativo. Esey mi ta kere cu lo bay padilanti,” Hernandez Fraley a expresa.
Aunke el a reconoce cu e Academia di Polis falta hopi pa avansa, caminda cu el a sigura cu durante su incumbencia a alcansa un posicion na e vanguardia di tur e institucionnan di polis na merca.
Di su banda, el a bisa cu e necesidad di plena implementacion di e concepto di polis ciudadano como recurso pa combati miho e incidencia criminal.
E superintendente, Jose Caldero Lopez, a elogia e nombramento y su labor den e agencia estatal aki. Den Polis, Hernandez Fraley ta labora desde Februari di 2014, ora cu el a wordo contrata como asistente special di e exsuperintendente James Tuller Cintron.
“Mi ta transmiti mi mas sincero felicitacion na asumi e responsabilidad importante aki cu ta hiba cun’e e cargo aki. Hernandez de Fraley a haci un extraordinario labor den e Academia di Polis,” Caldero Lopez a bisa.
“El a trece avanse den educacion y training… Mi no tin duda cu, bao di su direcicon, e Reforma Sostenibel di Polis ta sigui su curso, segun e Acuerdo Federal pa e beneficio di e Cuerpo policiaco y di su ciudadanonan ta establece,” el a agrega.
Mientras, e director ehecutivo di e Cooperacion Organisa di Polis y Siguridad (COPS), Jaime Morales, a opone na e designacion, door di a laga sa cu e no ta capacita pa e cargo. Sin embargo, e Sindicato di Portoriqueño di Polis, atrabes di su presidente, Ismael Rivera Roman, a ofrece apoyo total na e esignado. No obstante, el a acepta cu e no tabata su candidato pa e posicion ya cu e tabata apoya e Asesor di Cumplimento Tecnico di e Reforma di Polis, Arnaldo Claudio.
Mientras, e agente Nydia Ramos Martinez, lider di e Movimiento “Policias Reclaman Derechos con Respeto” a elogia e nombramento. “Pa prome biaha den historia un muhe lo tin e oportunidad di desaroya y trece su strategia y plannan di trabao pa mehora e calidad di servicio di su empleadonan y siguridad di e pais,” el a splica.
Vázquez pa Husticia
Di un otro banda, e licenciada Wanda Vazquez Garced, procuradora di Hende Muhe durante e ultimo seis aña, a wordo nombra pa Rossello como Secretaria di Husticia.
El a sostene cu e ta aspera cu e fiscal y investigadonan ta mir’e como un aliado.
Vazquez Garced a señla cu e tambe tin como obhetivo e fortalecimento di Negociado de Investigaciones Especiales (NIE), colabora cu e Instituto di Ciencianan Forense (ICF) y fomenta e confiansa cu ta existi igual acceso pa husticia.
Mescos cu Hernandez Fraley, el a compromete na boga pa e derechonan civil y humano di e Portoriqueñonan.
Combati e politisacion den ambos agencia ta figura entre compomisonan expresa publicamente pa e recien designa. E defensa di e comunidad LGBTI, nivelnan robusto di fiscalisacion y traha cu sincronia, segun lo dispuesto den e Plan pa Puerto Rico presenta pa Rossello a wordo destaca pa ambos.
“Mi ta sinti mi mes honra di presenta na e pueblo dos profesional extraordinario cu awe ta duna un paso dilanti pa uni na nos Gobierno,” e gobernador electo a subraya.
Fuente: http://www.primerahora.com/