COUNCIL BLUFFS, Iowa — Autoridadnan di husticia na Merca, a condena na cinco aña di prizon na un muhe cu a confesa na polis di a baña e brasa di su baby cu un kopi di koffie cayente pa “dun’e un les,” a wordo informa diahuebs.
E corant Daily Nonpareil a informa cu Rebecca Brahier, di 36 aña, a declara su mes culpabel diamars di pone na peliger y provoca un lesion na un mucha. Lo desconta e tempo di prizon cumpli desde su aresto na November.
Dokternan a bisa cu e mucha di 1 aña a sufri blaar y perdida di cueero di e man y brasa robes. E perosnal di hospital a yama polis.
Segun polis, Brahier a bisa cu e baby a purba varios biaha coy su kopi di koffie y cu intencionalmente el a basha e likido cayente intencionalmente riba e brasa pa e siña. Su abogado, Peter Tenny, a bisa cu “e lesion di e mucha ta sanando.”
Fuente: https://www.ap.org/