MAHARASHTRA, India- Pradnya Survase a confesa di a mescal pesticida den e cuminda cu el a prepara den e un fiesta di inauguracion na Maharashtra (India). El a haci esaki pasobra cu e tabata kier a mata su casa y famia di su casa.
Pradnya Survase, di 23 aña, a wordo aresta despues di cu el a confesa di e venena e cuminda cu el a sirbi na un fiesta di inauguracion inauguracion na Maharashtra (India). Cinco persona, entre nan cuatro mucha, a muri door di esaki, pa cual e hoben lo por haya pena di morto.
Den e informe policial cita pa Dialy Mail, Survase tabata tin e intencion di mata su casa, su suegra, su dos cuñanan, ruman di su suegra y sua di su suegra den e evento realisa dia 18 di juni.
Segun e documento cita pa web noticioso, Survase a bisa autoridadnan cu desde cu el a casa dos aña pasa, famia di su casa tabata insult’e pa su color di cuero scur, y tabata critica con e ta cushina. Tambe el a bisa cu famia di su casa a daña su matrimonio.
Medionan di comunicacion ta informa cu cuater mucha, di entre shete y 13 aña a muri hunto cu Gopinath Nakure, un homber di 53 aña. Solamente dos di e victimanan tabata relaciona cu Survase.
Vilash Thikrey, un mucha homber di 13 aña cu a sobrevivi e intoxicacion, a bisa cu e ta corda cu e cuminda cu nan a dun’e tabata tin un smaak marga cun’e
Inspector di polis, Vishwajeet Kaingade, a bisa medionan di comunicacion cu e personanan cu a bira malo a come entre 4 or y 6 or di atardi. P’esey nan ta interogando tur esunnan cu a saca cuminda den e oranan ey. Survase a haya miedo y a confesa e crimen.
E hoben a wordo acusa di asesinato, intento di asesinato y conspiracion. Actualmente e ta enfrenta e castigo maximo cual ta pena di morto.
Fuente: Telemundo