LAS VEGAS, Merca- E Departamento di Polis Metropolitano di Las Vegas a publica un video pertubador unda cu por wak un homber di 74 aña wordo pusha di manera violento for di un bus, door di un otro pasahero.
Mas despues e homber ta muri a causa di heridanan ricibi.
Riba e video, por mira e sospechoso ta pusha e victima, Serge Fournier cu ambos man, ora cu e Fournier tabata bay pa baha for di e bus, cu su walker den su man. Fournier ta cay abou na suela y ta dal su cabes ariba e acera.
E muhe den e video a wordo identifica como Cadesha Bishop, di 25 aña. E ta enfrentando cargonan di asesinato.
Segun informenan, Bishop, cu tabata gritando y insultando otro pasaheronan, lo a pusha Fournier, despues di cu esaki a bis’e pa e ta mas amabel cu e otro pasaheronan.
Bishop ya caba a yega di wordo sentencia pa cargonan di maltrato, dos biaha prome cu e incidente cu Fournier.