LOS ANGELES, Merca – Polis ta kere cu e mesun muhe lo por a purba secuestra un otro mucha di e mesun edad (4 aña) y den e mesun zona di Los Angeles, Merca.
Un muhe a drenta cu pasonan firme den un restaurant di McDonald’s y a dirigi su mes na un mucha di 4 aña cu tabata cerca di un mesa.Despues e muhe ta saca e mucha for di e restaurant, manera cualkier mama lo haci. Pero ta resulta cu esaki no ta e caso. E video graba pa un camara di siguridad den un fast food restaurant situa na East Olympic Boulevard di Los Angeles diamars pasa a graba tur cos, como un intento di secuestro.
E cadena ABC7 a informa cu e muhe a purba di subi un auto para cerca di McDonald’s, pero un testigo a purba par’e y e muhe a sali na careda bay.
Polis ta kere cu ta e mesun muhe cu por a purba secuestra un otro mucha, tambe di 4 aña diaranson den e mesun area. E agentenan a informa cu e mucha chikito tabata canando cu’n miembro di su famia ora cu’n muhe a yega cerca di dje, a tuma su ma y purba aleha cu e mucha. E intento aki tambe a fracasa.