Comandante na Warda ta manda un patruya pa un cas na Monserat 14, unda e conoci di polis B.F., alias “Cabes di Clabo” lo a tira un cacho mata. En conexion cu esaki, patruyanan bay tira un control akinan. Na nan yegada, nan no a wak nada particular. Polisnan a ripara cu habitantenan di Monserat 14, tabata grita otro y punta dede ariba otro. Bandi pariba polisnan a wak “Cabes di Clabo” para hunto cu su amiga V.Z.W. Ora cu polisnan a yega cerca, nan a bin ripara cu tabata un pelea entre dos ser femenino, entre J.A.E.D. y e muhe Z.V.W. Polisnan a ripara cu e muhe J.A.E.D. su t-shirt tabata tin sanger ariba dje na banda robes y e tabata falta un pida di su orea robes. E orea lo a wordo mordi afo door di e muhe V.Z.W, durante e pelea. Ambos muhe a wordo deteni y hiba warda di polis pa mas investigacion y pa tratamento di e caso.