BEIJING, China- Un muhe a mata su dos yiunan y despues ta comete suicidio. Esaki ta bin despues cu su casa a fingi su mesun morto pa un pago di seguro, sin informa e muhe di su plannan, segun BBC a informa.
Segun medionan Chines, e hoben di 34 aña a wordo declara morto despues cu su auto a wordo haya den un riu, aunke su curpa nunca a wordo haya. E homber nunca a conta su casa di su supuesto plan y esaki a kere cu e homber a muri.
Mas laat, e muhe a bula den un riu cu su dos yiunan despues di a publica un nota di suicidio online. E homber a entrega su mes na polisnan despues di a haya sa di e noticia di su casa.
Autoridadnan a indica cu e homber tabata debe mas di 100 mil yen (20 mil dollar) den pagonan na un prestamista online. El a cera un polisa di seguro di accidentenan personal di un miyon yen, nombrando su casa como beneficiario.
Segun polis, e homber a fingi su mes un morto pa cobra e placa di seguro, pero sin cu el a bisa su casa nada di e polisa pa cual e muhe a kere cu su casa a muri den e accident..
china