LONDON, Inglatera – E criado di cacho Ingles, Margaret Peacock a sa di mata nuebe puppy. E tabata kier pa un veterinario pone e cachonan aki drumi pasobra e mayornan ta ruman, pero esaki a nenga di haci’e. E ora e mes a dicidi di haci esaki.
E veterinario a nenga esaki pasobra no tabata tin nada robes cu e cachonan chikito. Peacock, di 63 aña, a tuma e accion den su man. El a pone ocho di e puppynan den vriezer, despues el a yama e oficina di e dokter. “Nan tin dies minuut den e vriezer y ainda nan no a muri,” el a bisa.
Dos dia despues Peacock a benta un saco cu e puppynan morto dilanti di e oficina. Despues di un inval na su cas, un di nuebe puppy a wordo haya. Esaki a wordo mata door di a dal’e cu un co’i habri bleki.
Duele
E abogado di e muhe a conta hues cu Peacock a mata e bestianan pa asina e mama no atacha su mes na e puppynan. “Mi cliente ta acepta cu su accionnan no tabata esunnan di mas husto. E tin duele.” Peacock a haya un castigo di prizon di un total di 24 siman y un boet.
Fuente: RTL Nieuws