COLORADO, Merca – Bo tin un combinacion di number di suerte pa hunga lotto? Un muhe di Colorado a hunga e loteria, hungando semper e mesun combinacion di number, desde 30 aña pasa y finalmente a resulta di ta e combinacion ganado. Su numbernan a dun’e suerte.
Judy Finchum, un wela di 67 aña di e zona rural di Colorado, tabata hungando e mesun numbernan cu Powerball durante 30 aña.
Esey ta nifica cu tin 30 aña sin gana, te awo. Pero Judy nunca a renuncia na su numbernan y sigur cu e tabata hopi gradicido pa su persistencia awo.
El a gana y no cualkier victoria. Judy ta bay cas cu $133 miyon di dollar. Ta e mayor premio di Powerball cu nunca a wordo gana den e estado di Colorado.
Despues di gana, Judy a bandona su trabao bendiendo mashinnan di Xerox. E tin pensa pa regala parti di e placa na e afectadonan pa e horcannan y tambe na contribui na e alivio di incendionan forestal.
Mientras tanto, su casa, Mack, kier un set di taira pa su truck di aña 1996.
Judy a bisa Mack cu e por cumpra un truck nobo cu e placa, pero el a bisa cu solamente e tairanan so e kier.
Judy a traha duro henter su bida. Awo, e ta bisa di ta emociona pa experimenta retiro y relahacion pa prome biaha.
Sin duda, e merece e victoria aki.
Fuente: www.laopinion.com